กติวสฺโสสิ ตฺวํ ภนฺเต นาคเสนาติ ฯ สตฺตวสฺโส อหํ มหาราชาติ ฯ กึ
เต ภนฺเต สตฺต สุวํ วา สตฺต คณํ วา สตฺตาติ ฯ เตน ปน สมเยน มิลินฺทสฺส
สพฺพาภรณปฏิมณฺฑิตสฺส รญฺโญ กาเมน อาคณฺฐิตสฺส ปิลนฺธิตมาลภารีอลงฺกตสฺส ปฐวิยํ
ฉายา ทิสฺสติ อุทกมณิเก ฉายา ทิสฺสติ ฯ อถ โข อายสฺมา นาคเสโน มิลินฺทํ ราชานํ
เอตทโวจ อยนฺเต มหาราช อุทกมณิเก ฉายา ทิสฺสติ สฺวํ วา ราชา อยํ วา ฉายา
ราชาติ ฯ น หิ ภนฺเต นาคเสน ฉายา ราชา อหํ ราชา นาม มมํ นิสฺสาย ฉายา
ปวตฺตตีติ ฯ เอวเมว โข มหาราช วสฺสคณญฺจ สตฺต อตฺถิ มมํ นิสฺสาย ปวตฺตติ
ฉายูปมํ มหาราชาติ ฯ อจฺฉริยํ ภนฺเต นาคเสน อพฺภูตํ ภนฺเต นาคเสน อติจิตฺรานิ
ปญฺหาปฏิภาณานิ วิสชฺชิตานีติ ฯ
วสฺสปญฺโห ทุติโย ฯ
กิมตฺถิยา ภนฺเต นาคเสน ปพฺพชฺชา โกปิ ตุมฺหากํ ปรมตฺโถติ ฯ เถโร
เอวมาห อิทํ ทุกฺขํ นิรุชฺเฌยฺย อญฺญํ ทุกฺขํ น อุปฺปชฺเชยฺย เอตทตฺถาย มหาราช
ปพฺพชฺชา อตฺถาย หิตาย สุขาย เทวมนุสฺสานนฺติ ฯ มนุสฺสานนฺติ ฯ ราชา อาห
ภนฺเต นาคเสน สมุลฺลปิสฺสสิ มยา สทฺธินฺติ ฯ เถโร อาห สเจ มหาราช ปฏฺฑิตวาเทน
สมุลฺลปิสฺสสิ ตยา สทฺธึ สมุลฺลปิสฺสามิ สเจ หราราช ราชวาเทน สมุลฺลปิสฺสสิ น
สมุลฺลปิสฺสามีติ ฯ ราชา อาห กถํ ภนฺเต ปณฺฑิตา สลฺลปนฺตีติ ฯ ปณฺฑิตา มหาราช
สลฺลปนฺตา นิคฺคหํ กริยนฺติ ปฏิกฺกมฺมํ กริยนฺติ วิเสสํปิ กริยนฺติ ปฏิเสธํปิ กริยนฺติ
อาเวฏฺฐนํปิ กริยนฺติ นิเวฏฺฐนํปิ กริยนฺติ น ปณฺฑิตา กุปฺปนฺติ เอวํ มหาราช ปณฺฑิตา
สลฺลปนฺตีติ ฯ กถํ ภนฺเต ราชาโน สลฺลปนฺตีติ ฯ ราชาโน มหาราช เอกํ วตฺถุํ ปฏิชานนฺติ
โย น วิโลเปติ อาณาเปนฺติ อิมสฺส ทณฺฑํ อุปเนถาติ เอวํ โข มหาราช ราชาโน
สลฺลปนฺตีติ ฯ ปณฺฑิตวาเทน ภนฺเต สลฺลปิสฺสามิ โน ราชวาเทน วิสฏฺโฐ ภทนฺโต ยถา
ภกฺขุนิยา วา สามเณเรน วา อุปาสเกน วา อารามิเกน วา สลฺลปติ เอวํ วิสฏฺโฐ
ภทนฺโต สลฺลปิตุํ มา ภายีติ ฯ สุฏฺฐุ มหาราชาติ เถโร อพฺภานุโมทติ ฯ ราชา
อาห ภนฺเต นาคเสน ตํ ปุจฺฉิสฺสามีติ ฯ เถโร อาห ปุจฺฉ มหาราชาติ ฯ ปุจฺฉิโตมฺหิ
ภนฺเต นาคเสนาติ ฯ วิสชฺชิตํ มยา มหาราชาติ ฯ กึ ปน ภนฺเต นาคเสน ตยา
วิสชฺชิตนฺติ ฯ กึ ปน มหาราช ตยา ปุจฺฉิตนฺติ ฯ

เถรสฺส ติกฺขปฏิญฺญาย ปญิโห ตติโย ฯ

อถ โข มิลินฺทสฺส รญฺโญ เอตทโหสิ ปณฺฑิโต โข อยํ ภิกฺขุ ปฏิพโล มยา
สทฺธึ สมุลฺลปิตุํ พหุกานิ จ เม ฐานานิ ปุจฺฉิตพฺพานิ ภวิสฺสนฺติ อปุจฺฉิตานิ เม ตานิ
ฐานานิ ภวิสฺสนฺติ อถขฺวายํ สุริโย อตฺถงฺคเมสฺสติ ยนฺนูนาหํ เสฺว อนฺเตปุเร
สลฺลเปยฺยนฺติ ฯ อถ โข ราชา เทวมนฺติยํ เอตทโวจ เตนหิ เทวมนฺติย ภทนฺตสฺส
อาโรเจยฺยาสิ เสฺว อนฺเตปุเร สลฺลาโป ภวิสฺสตีติ ฯ อิทํ วตฺวา มิลินฺโท ราชา อุฏฺฐายาสนา
อสฺสํ อภิรุยฺหิตฺวา นาคเสโน นาคเสโนติ สชฺฌายํ กโรนฺโต ปกฺกามิ ฯ อถ โข เทวมนฺติโย
อายสฺมนฺตํ นาคเสนํ เอตทโวจ มิลินฺโท ภนฺเต ราชา เอวมาห เสฺว ภนฺเต อนฺเตปุเร
สลฺลาโป ภวิสฺสตีติ ฯ สาธูติ เถโร อพฺภานุโมทิ ฯ ตโต ตสฺสา รตฺติยา อจฺจเยน
เนมิตฺติโย จ อนฺตกาโย จ มงฺกุโร จ สพฺพทินฺโน จ เยน มิลินฺโท ราชา เตนุปสงฺกมีสุ
อุปสงฺกมิตฺวา มิลินฺทํ ราชานํ เอตทโวจุํ อาคจฺฉตุ มหาราช ภทนฺโต นาคเสโนติ ฯ
ราชา อาห อาม อาคจฺฉตูติ ฯ กิตฺตเกหิ ภิกฺขูหิ สทฺธึ อาคจฺฉตูติ ฯ ราชา อาห
ยตฺตเกหิ ภิกฺขูหิ สทฺธึ อิจฺฉติ ตตฺตเกหิ ภิกฺขูหิ สทฺธึ อาคจฺฉตูติ ฯ ทุติยมฺปิ โข
สพฺพทินฺโน อาห อาคจฺฉตุ มหาราช ทสหิ ภิกฺขูหิ สทฺธินฺติ ฯ ทุติยมฺปิ โข ราชา
อาห ยตฺตเกหิ สทฺธึ อิจฺฉติ ตตฺตเกหิ สทฺธึ ยาคจฺฉตูติ ฯ ตติยมฺปิ โข สพฺพทินฺโน
อาห อาคจฺฉตุ มหาราช ทสหิ ภิกฺขูหิ สทฺธินฺติ ฯ นิสฺสํสยโต มยํ ภณาม ยตฺตเกหิ
ภิกฺขูหิ สทฺธึ อิจฺฉติ ตตฺตเกหิ ภิกฺขูหิ สทฺธึ อาคจฺฉตูติ ฯ อวสฺสํ ปริยนฺตํ กตํ กินฺนุ
โข มยํ นปฺปฏิพลา ภิกฺขูนํ โภชนํ ทาตุนฺติ ฯ เอวํ วุตฺเต สพฺพทินฺโน มงฺกุ
อโหสิ ฯ อถ เนมิตฺติโย จ อนฺตกาโย จ มงฺกุโร จ สพฺพทินฺโน จ เยนายสฺมา
นาคเสโน เตนุปสงฺกมึสุ อุปสงฺกมิตฺวา อายสฺมนิตํ นาคเสนํ เอตทโวจุํ มิลินฺโท
ภนฺเต ราชา เอวมาห ยตฺตเกหิ ภิกฺขูหิ สทฺธึ อิจฺฉติ ตตฺตเกหิ ภิกฺขูหิ สทฺธึ
อาคจฺฉตูติ ฯ
อถ โข อายสฺมา นาคเสโน ปุพฺพณฺหสมยํ นิวาเสตฺวา ปตฺตจีวรมาทาย อสีติยา
ภิกฺขุสหสฺเสหิ สาคลนครํ ปาวิสิ ฯ อนฺตากาโย อายสฺมนฺตํ นาคเสนํ นิสฺสาย อาคจฺฉนฺโต
อายสฺมนฺตํ นาคเสนํ เอตทโวจ ภนฺเต นาคเสน ยํ ปเนตํ ภณสิ นาคเสโนติ กตเมตฺถ
นาคเสโนติ อนุปลพฺภตีติ ฯ เถโร อาห โก ปเนตฺถ นาคเสโนติ มญฺญสีติ ฯ อนฺตากาโย
อาห โย โส ภนฺเต อพฺภนฺตเร วายุชีโว ปวิสติ จ นิกฺขมติ จ โส นาคเสโนติ
มญฺญามีติ ฯ เถโร อาห ยทิ ปเนโส วาโต นิกฺขมิตฺวา น ปวิเสยฺย ชีเวยฺย

โสติ ฯ น หิ ภนฺเตติ ฯ เย ปนิเม สงฺขธมกา สงฺขํ ธเมนฺติ เตสํ วาโต ปุน
ธเมนฺติ เตสํ วาโต ปุน ปวิสตีติ ฯ น หิ ภนฺเตติ ฯน เย ปนิเม ปพฺพธมกา ปพฺพํ
ธเมนฺติ เตสํ วาโต ปุน ปวิสตีติ ฯ น หิ ภนฺเตติ ฯ กิสฺส ปน เต น
มรนฺตีติ ฯ นาหํ ปฏิพโล ตยา วาทินา ทฺธึ สมุลฺลปิตุํ สาธุ ภนฺเต อตฺถํ
ชปฺเปหีติ ฯ เนโส ชีโว อสฺสาสปสฺสาโส นาม เอโส กายสงฺขาโรติ ฯ กตฺถ ภนฺเต
ติฏฺฐติ กายสงฺขาโรติ ฯ ขนฺธสฺมึ ฐิโต กายสงฺขาโรติ เถโร ธมฺมกถํ อกาสิ ฯ อถ
อนฺตกาโย อุปาสกตฺตญฺจ ปฏิเวเทสิ ฯ

อนฺตกายปญฺโห จตุตฺโถ ฯ

อถ โข อายสฺมา นาคเสโน เยน มิลินฺทสฺส รญฺโญ นิเวสนํ เตนุปสงฺกมิ
อุปสงฺกมิตฺวา ปาสาทํ อภิรุยฺหิตฺวา ปญฺญตฺเต อาสเน นิสีทิ ฯ อถ โข มิลินฺโท ราชา
อายสฺมนฺตํ นาคเสนํ สปริสํ ปณีเตน ขาทนีเยน โภชนีเยน สหตฺถา สนฺตปฺเปตฺวา
สมฺปวาเรตฺวา ภิกฺขูนํ ติจีวเรหิ หจฺฉาเทสิ ฯ อายสฺมนฺตํ นาคเสนํ ติจีวเรน อจฺฉาเทตฺวา
อายสฺมนฺตํ นาคเสนํ เอตทโวจ ภนฺเต นาคเสน ทสหิ สทฺธึ อิธ นิสีท อวเสสา
คจฺฉนฺตุเยวาปิ วุฑฺฒา คจฺฉนฺตูติ ฯ อถ โข มิลินฺโท ราชา อายสฺมนฺตํ นาคเสนํ ภุตฺตาวึ
โอนตปตฺตปาณึ วิทิตฺวา อญฺญตรํ อาสนํ คเหตฺวา เอกมนฺตํ นิสีทิ ฯ เอกมนฺตํ นิสินฺโน
โข มิลินฺโท ราชา อายสฺมนฺตํ นาคเสนํ อเตทโวจ ภนฺเต นาคเสน กิสฺมึ ฐาเน โหติ
กถาสลฺลาโปติ ฯ อตฺเถน มยํ มหาราช อตฺถิกา อตฺเถน โหตุ กถาสลฺลาโปติ ฯ
ราชา อาห กิมตฺถิยา ภนฺเต นาคเสน ปพฺพชฺชา โกปิ ตุมฺหากํ ปรมตฺโถติ ฯ เถโร
อาห กินฺติ มหาราช อิทญฺจ ทุกฺขํ นิรุชเฌยฺย อญฺญญฺจ ทุกฺขํ น อุปฺปชฺเชยฺย เอตทตฺถาย
มหาราช ปพฺพชฺชา อนุปาทานปรินิพฺพานํ โข ปน อมฺหากํ ปรมตฺโถติ ฯ กึ ปน
ภนฺเต สพฺเพ เต เอตทตฺถาย ปพฺพชนฺตีติ ฯน น หิ มหาราช เอกจฺเจ เอตทตฺถาย
ปพฺพชนฺติ เกจิ ราชาภินีตา ปพฺพชนฺติ เกจิ โจราภินีตา ปพฺพชนฺติ เกจิ ราชานุวตฺตตฺถาย
ปพฺพชนฺติ เกจิ อิณตฺตาย ปพฺพชนฺติ เกจิ อิสฺสริยตฺถาย ปพฺพชนฺติ เกจิ ชีวิกตฺถาย
ปพฺพชนฺติ เกจิ ภยภีตาย ปพฺพชนฺติ เย เต ปน สมฺมา ปพฺพชนฺติ เต เอตทตฺถาย
ปพฺพชนฺตีติ ฯ ราชา อาห ตุวํ ปน ภนฺเต เอตทตฺถาย ปพฺพชิโตติ ฯ เถโร อาห
อหํ มหาราช ทหรโกว สมาโน ปพฺพชิโต น ชานามิ อิมสฺส นามตฺถาย ปพฺพชามีติ
อปิ จ โข เม เอวํ อโหสิ ปณฺฑิตา อิเม สมณา สกฺยปุตฺติยา เต มํ สิกฺขาเปสฺสนฺติ